Irannyń birinshi hanymy Rımdegi forýmda sóz sóıledi
ASTANA. Qarashanyń 16-sy. QazAqparat - Irannyń birinshi hanymy ashtyqpen kúres máselelerine arnalǵan BUU sammıtiniń aldynda ótken Rımdegi forýmda buqaranyń aldynda alǵash ret sóz sóıledi,
dep habarlaıdy Associated Press.
Iran Prezıdenti Mahmud Ahmadınejadtyń zaıyby Azam Ál-Sadat Farahı hanym álemnyń birinshi hanymdarynyń forýmyna qarashanyń 14-ne kelgen bolatyn. Hanym Mysyr basshysy Hosnı Múbaraktyń zaıyby Sıýzanna Múbarak jetekshilik etken forým týraly áńgimelep berdi.
Álemdegi ashtyq problemasyna arnalǵan sammıt búgin, qarashanyń 16-da bastalady. Ol Rımde, BUU-nyń Azyq-túlik jáne aýyl sharýashylyǵy uıymynyń shtab-páterinde ótedi.
Asharshylyqtan zardap shegip otyrǵan 1 mıllıardtan astam adamnyń problemalaryna álem jurtshylyǵynyń nazaryn aýdarý úshin BUU Bas hatshysy Pan Gı Mýn 24 saǵat boıy ashyǵý týraly sheshim qabyldaǵanyn «Azattyq» radıosy habarlaǵan bolatyn.
BUU ókiliniń habarlaýynsha, Pan Gı Mýn jeksenbi kúni, Rımge bara jatqan saparynda nár tatpaıtyn bolyp edi. Al dúısenbi kúni ol Rımde ashylatyn asharshylyqpen kúres problemalaryna arnalǵan úshkúndik halyqaralyq konferentsııaǵa qatysady. Rımdegi kezdesýdi ótkizip otyrǵan BUU-nyń Azyq-túliktik jáne aýyl sharýashylyǵy uıymynyń basshysy Jak Dıýf, Jerdiń barlyq turǵyndaryn BUU Bas hatshysyna qosylýǵa jáne Rım konferentsııasynyń qarsańyndaǵy kúni tamaqtan bas tartýǵa shaqyrdy.
