Irannyń aýmaǵyna zańsyz kirgen úsh AQSh azamatyn tyńshylyq jasady dep aıyptaýda
ASTANA. Qarashanyń 10-y. QazAqparat - Aǵymdaǵy jyldyń shilde aıynyń sońynda Iran aýmaǵyna zańsyz kirgen úsh AQSh azamatyna tyńshylyq jasady degen aıyptaýlar taǵylyp otyr. Bul týraly IRNA aqparattyq agenttigine Tegrannyń bas prokýrory Abbas Jafarı Doýlatabadı habarlady.
«Ol azamattarǵa tyńshylyq jasady degen aıyptaýlar taǵylyp otyr. Bul is boıynsha tergeý amaly jalǵasýda», deıdi prokýror.
AQSh azamattary Sheın Baýer, Sara Shýrd jáne Djoshýa Fetteldi ırandyq shekarashylar shildeniń 31-inde Iran shekarasyndaǵy Marıvan eldi-mekeninde ustaǵan bolatyn. Olardyń qoldarynda Irakqa jáne Sırııaǵa kirý vızalary bolǵan da, Iran vızasy bolmaı shyqqan. Tamyz aıynyń basynda Aq úı Irannan ol úsh azamatty bosatýdy talap etken bolatyn. Amerıkan tarabynyń aıtýynsha, olar týrıst bolǵan jáne Irakta saıahattap júrip, Irannyń aýmaǵyna qatelesip ótip ketken.
