Irannyń álsireýi aımaqta úlken másele týyndatady - Amerıkan-ıran keńesiniń prezıdenti
ALMATY. Sáýirdiń 27-si. QazAqparat /Erlik Erjanuly/ - Iran kúshti bolsa ǵana turaqty bola alady. Bul búgin Almatyda ótip jatqan IH Eýrazııalyq medıa forýmda aıtyldy,
dep habarlaıdy QazAqparat.
Medıa forýmynyń «Belgisiz» Iran...» degen taqyrypta ótken ekinshi májilisin «Russia Today" telearnasynyń júrgizýshisi Pıter Lavel júrgizdi. Onda - ǵalamshar ırandyq birizdilik pen dil jóninde ne biledi, olardy qalaı qabyldaıdy? Syrtqy dúnıe Iran qoǵamynda bolyp jatqan ishki úrdisterdiń mánin qanshalyqty túsinedi? Saıası mádenıettiń ırandyq úlgisiniń ereksheligi nede? Batystyń zaıyrly memleketteri Iran Islam Respýblıkasynyń óziniń ishki qurylymyna tán teokratııalyq tıptegi memleket retindegi erekshelikterin eskere me? Batys saıasaty «Iran túıinin» sheshýge shynaıy múmkindikter men utymdy nátıje bere ala ma? Irannyń ishki jáne syrtqy saıasatynyń negizgi ereksheligi men onyń bolashaq fılosofııasy neden turady degen sııaqty túıtkildi jáıttar sóz boldy.
«Irannyń álsireýi aımaqta úlken másele týyndatady. Ol kúshti bolǵan kezde ǵana turaqty bola túsedi. Bul tarıhta san márte dáleldendi», deıdi
Amerıkan-ıran keńesiniń prezıdenti, ǵalym, saıasattanýshy Hýshan Ámirahmadı. Al Irannyń Syrtqy ister mınıstriniń resmı ókili Ramın Mehmanparasattyń aıtýynsha, túıtkildi sheshýde naqty árekettestik joq. Ózge elderdiń Iranǵa qatysty ekijaqty standarty ózgermeı, ondaǵy ahýal birden ózgermeıdi.
