Irannyń Ahvaz qalasy álemdegi aýasy «las» qala atandy
ASTANA. 6 qazan. QazAqparat - Irannyń, Mońǵolııanyń, Úndistannyń jáne Pákistannyń qalalary aýasy quramynda normadaǵydan júz ese kóp shań tútegen eń las qalalar bolyp tanyldy,
dep habarlady Dúnıejúzilik densaýlyq saqtaý uıymy óziniń zertteýleriniń qorytyndylary boıynsha.
Álemniń 91 eliniń myńnan astam qalalaryndaǵy aýanyń tazalyǵyn baǵalaý aýaǵa qosylǵan shańnyń quramy týraly resmı málimetter negizine súıenip anyqtaldy. Tekserilgen zattardaǵy bólshekterdiń RM10 jáne RM2,5 zertteýleriniń dıametri esepke alyndy. Ádette RM10 bólshekter dıametri 10 mıkrometrge teń bolady.
DSU reıtıngisine sáıkes álemniń eń las qalasy ataýynda Irannyń batysyndaǵy Ahvaz tanyldy. Munda bir tekshe metr RM10 bólshekte 372 mıkrogramm lastaý kórsetkishi anyqtalǵan. Budan keıingi orynda Mońǵolııanyń Ulan-Batyr qalasy tur. Aýa jaǵdaıy tómen qalalardyń úshtigin taǵy bir ırandyq qala - Senendedj tuıyqtaıdy. Bul oraıda reseılik Máskeý - 319 orynda. Al eń taza qala kanadalyq Ýaıthors bolyp shyqty.
«Qalalardyń aýasynyń lastanýy týraly jarııalanǵan málimetter tıisti sharalar qabyldaý qajettigin týdyrǵan aımaqtardy kórsetip otyr», - dedi DSU-nyń Eýropalyq ortalyǵynyń basshysy Mıhaıl Krjıjanovskıı.
