Irannyń joıǵysh ushaǵy apatqa ushyrady
ASTANA. KAZINFORM – Sársenbi kúni tańerteń Irannyń batysynda eldiń joıǵysh ushaǵy apatqa ushyrady. Ushqyshtar apat aldynda katapýltany qoldanyp aman qaldy, dep habarlaıdy Kazinform menshikti tilshisi.
Oqıǵa týraly Irannyń IRNA resmı aqparat agenttigi Iran áskerı-áýe kúshterine silteme jasap habarlady.
- 22 qańtarda armııa Áskerı-áýe kúshteriniń ushaǵy Hamadan provıntsııasynda oqý-jattyǵý tapsyrmasyn oryndaý kezinde apatqa ushyrady. Eki ushqyshtyń da densaýlyǵy jaqsy, - delingen habarlamada.
Provıntsııa gýbernatorynyń orynbasary Hamze Amraıdiń Tasnim aqparat agenttigine habarlaǵanyndaı, Iran áskerı-áýe kúshteriniń áskerı ushaǵy sársenbi kúni tańerteń Kebýdraheng mańynda oqý-jattyǵý kezinde apatqa ushyraǵan.
Kebýdraheng qalasy soltústik-batysta, Hamadan provıntsııasynyń ortalyǵynan 60 shaqyrym jerde ornalasqan.
BAQ habarlaýynsha, ushqyshtar jeńil jaraqattarmen aýrýhanaǵa jetkizilgen.
Buǵan deıin Iran armııasy 1000 jetildirilgen ushqyshsyz apparat alǵanyn jazǵan bolatynbyz.