Irannyń joǵarǵy jetekshisiniń rezıdentsııasy zaqymdandy — BAQ
ASTANA. KAZINFORM — AQSh pen Izraıldiń Tegeranǵa jasaǵan soqqylaryna baılanysty Irannyń joǵarǵy jetekshisiniń taǵdyry jóninde qarama-qaıshy aqparattar paıda boldy, dep habarlaıdy Ammandaǵy Kazinform agenttiginiń menshikti tilshisi.
Batys BAQ-tyń habarlaýynsha, Tegerandaǵy Aıatolla Alı Hameneı rezıdentsııasy AQSh pen Izraıldiń soqqylary saldarynan aıtarlyqtaı zaqymdanǵan. The New York Times gazeti Airbus kompanııasy jasaǵan 28 aqpan tańǵy spýtnıktik sýretti jarııalady, onda ǵımarat qurylymdarynyń zaqymdanǵany men órt izderi kórinedi.
We obtained the first known satellite image of Ayatollah Ali Khamenei's compound in Tehran. There are several destroyed buildings. While the current whereabouts of Iran's supreme leader are unknown, the compound is generally used as his official residence. 🛰️📸: @Airbus pic.twitter.com/48krjclMBL
— Christiaan Triebert (@trbrtc) February 28, 2026
Izraıldik Channel 12 telearnasy aty-jónin atamaǵan derekkózderge silteme jasap, Izraılde Hameneı ólip ketýi múmkin dep baǵalap jatqanyn habarlady. Buryn kanal joǵarǵy jetekshiniń kem degende jaraqat alǵan bolýy múmkin ekenin aıtqan edi. Bul aqparat resmı túrde rastalmaǵan.
Izraıldiń Kan teleradıokorporatsııasy Hameneıge baılanys joq ekenin jáne onyń jaǵdaıy belgisiz ekenin habarlady.
Sonymen qatar, Irannyń syrtqy ister mınıstri Abbas Aragchı NBC News-ke bergen suhbatynda, Irannyń joǵarǵy jetekshisi «tiri» ekenin aıtty. Sondaı-aq, soqqylardan keıin eki komandır qaza taýyp, eldiń basqa joǵary laýazymdy basshylary óz qyzmetinde qalyp otyrǵanyn atap ótti.
Reuters agenttiginiń deregi boıynsha, Hameneı rezıdentsııasy ornalasqan Paster aýdanynda tútin kóterilgen. Fars agenttigi Paster jáne Keshvardýst aýdandaryna zymyran soqqylary jasalǵanyn habarlady.
Irandyq telearna prezıdent Masýd Pezeshkıannyń zardap shekpegenin málimdedi.
Aımaqtaǵy jaǵdaıǵa baılanysty ári qaraı shıelenisý qaýpi kúsheıip otyr. Iran Syrtqy ister mınıstrligi jaýap áreketterine daıyn ekenin jarııalady.
Eske salaıyq, buǵan deıin Izraıl Iranǵa zymyrandyq soqqylar jasaǵan bolatyn, al Iran jaýap retinde aımaqtaǵy amerıkandyq nysandarǵa soqqylar jasady.
