Irannyń ıadrolyq nysany isten shyqty

ASTANA.KAZINFORM -  Irannyń Hondab qalasyndaǵy aýyr sý óndirý zaýyty zaqymdanyp, isten shyqty.

Bul týraly Halyqaralyq atom energııasy agenttigi (MAGATE) habarlady.

- Spýtnıktik sýretter men qondyrǵy týraly aqparattyń táýelsiz taldaýyna súıene otyryp, MAGATE Iran 27 naýryzda shabýyl jasalǵanyn habarlaǵan Hondabtaǵy aýyr sý óndirý zaýytynyń qatty zaqymdanǵanyn jáne endi jumys istemeıtinin rastady, - delingen MAGATE áleýmettik jelilerdegi málimdemesinde.

27 naýryzda Izraıl áskerı kúshteri Irannyń ortalyǵyndaǵy aýyr sý reaktory men ýran óńdeý zaýytyna soqqy bergenin rastady.

- Izraıl áýe kúshteri Iran ortalyǵyndaǵy Araktaǵy aýyr sý óndirý zaýytyna soqqy berdi, - delingen áskerı kúshter málimdemesinde nysandy «ıadrolyq qarýǵa arnalǵan plýtonıı óndirýdiń negizgi nysany» dep sıpattap.

Irandyq aqparat quraldary AQSh-Izraıl shabýyldary Hondabtaǵy aýyr sý óndirý keshenine baǵyttalǵanyn habarlap, nysannan eshkim qaza tappaǵanyn nemese radıatsııalyq aǵýlar bolmaǵanyn málimdedi, dep habarlaıdy Al Arabiya English.

Resmı túrde zertteý reaktory medıtsınalyq zertteýler úshin plýtonıı óndirýge arnalǵan, al keshende aýyr sý óndirý zaýyty da ornalasqan.

Buǵan deıin MAGATE Irandaǵy AES mańyndaǵy soqqylar ıadrolyq qaýip tóndirýi múmkin ekenin eskertken.