Irannyń ıadrolyq nysandaryna qatysty jańa spýtnıktik fotosýretter jarııalandy
ASTANA. KAZINFORM – Joǵary sapadaǵy bul fotosýretter Isfahan, Fordo jáne Natanz qalalaryndaǵy strategııalyq obektilerdiń qazirgi jaı-kúıin kórsetedi. Bul týraly BBC agenttigi habarlady.
Atalǵan úsh nysan ótken demalys kúnderi AQSh tarapynan B-2 ushaqtary men qanatty zymyrandar arqyly bombalanǵan. Buǵan deıin bul aımaqtarǵa Izraıldiń áýe soqqylary da jasalǵan bolatyn.
AQSh Prezıdenti Donald Tramp málimdemesinde júrgizilgen operatsııa nátıjesinde «nysandar tolyqtaı joıyldy» dep habarlady.
– Maxar Technologies kompanııasy túsirgen spýtnıktik sýretterde jerústi men jerasty qurylystarynyń zaqymdanǵany, sondaı-aq obektilerge kiretin joldar men týnnelderde búliný izderi bary anyq kórinedi, - delingen agenttiktiń maqalasynda.
Buǵan deıin, Irannyń ıadrolyq qupııa nysany týraly ne belgili bolǵanyn jazǵan edik.