Irannyń Ulttyq qaýipsizdik joǵary keńesiniń hatshysy taǵaıyndaldy
ASTANA. KAZINFORM — Mohammad-Bager Zolgadr Irannyń Ulttyq qaýipsizdik joǵary keńesiniń hatshysy bolyp taǵaıyndaldy. Bul taǵaıyndaýdy eldiń jetekshisi Mojtaba Hameneı maquldaǵany habarlandy, dep jazdy Anadolu agenttigi.
Burynǵy Islam revolıýtsııasy saqshylary korpýsy (IRGK) komandıri Mohammad-Bager Zolgadr Ulttyq qaýipsizdik keńesiniń bas hatshysy laýazymyna taǵaıyndaldy. Bul týraly Iran prezıdenti ákimshiliginiń baılanys basqarmasy basshysynyń orynbasary Mehdı Tabatabaı málimdedi.
Irandyq sheneýniktiń aıtýynsha, Zolgadr osy qyzmetke Iran jetekshisi Mojtaba Hameneı ruqsatymen taǵaıyndalǵan.
Zolgadr 1979 jylǵy revolıýtsııadan keıin IRGK qataryna qosylyp, Iran men Irak arasyndaǵy soǵys kezinde «Ramazan» shtabynyń komandıri bolyp qyzmet atqarǵan.
1997–2005 jyldary ol IRGK-nyń orynbasary, 2005–2007 jyldary prezıdent Mahmýd Ahmadınejad dáýirinde Іshki ister mınıstrliginiń orynbasary, al 2010–2021 jyldary sot bıligi basshysynyń orynbasary bolyp qyzmet atqarǵan.
Zolgadr bul qyzmetke 17 naýryzda Tegeranǵa jasalǵan Izraıl soqqysy kezinde qaza tapqan Alı Larıdjanı ornyna keldi.
