Irannyń syrtqy ister mınıstri elge ekonomıka arqyly qysym kórsetilip jatqanyn málimdedi

ASTANA. KAZINFORM - Tegeran syrttan qysym jasalyp, eldegi ishki saıası jáne áleýmettik-ekonomıkalyq jaǵdaıǵa yqpal kúsheıip kele jatqanyn málimdedi, dep habarlaıdy Kazinform agenttiginiń menshikti tilshisi.

Irannń syrtqy ister mınıstri Abbas Aragchı beısenbi kúni Irannyń Isfahan qalasynda ótken forýmda Islam respýblıkasy qarsylastarynyń qysym kórsetýdiń jańa strategııasyn qalyptastyryp jatqanyn jetkizdi. Bul týraly IRNA arnasy habarlady. 

-Jaýlar óz maqsattaryna áskerı jolmen jete almaǵan soń ekonomıkalyq soǵys pen turǵyndardyń ómir sapasyna baǵyttalǵan sanktsııalarǵa kóshe bastady, - dep málimdedi Iran SІM-niń bashysy. 

Maýsym aıynda Izraılmen bolǵan 12 kúndik qaqtyǵysqa pikir bildirgen mınıstr Iran qoǵamynyń tabandylyǵy men qarýly kúshteri jaýdyń oılaǵanyna jetýine múmkindik bermegenin atap ótti. 

- Olar Irandy birneshe kún ishinde kapıtýlıatsııaǵa kóndiremiz dep oılady. Alaıda olar bizdiń qoǵamnyń tózimdiligi men áskerge qarsy tura almady, - dedi ol.

FM @araghchi: Iran’s enemies trying to make up for military losses with economic warfarehttps://t.co/bKqKcyiG08 pic.twitter.com/YDWRjGcgP2

— IRNA News Agency (@IrnaEnglish) December 26, 2025

Mınıstrdiń sózinshe, qaqtyǵys Iran halqynyń syrtqy kúshterdiń yqpaly men kúsh kórsetýge kónbeıtinin baıqatty. Áskerı áreketter barysynda Izraıl eldiń ıadrolyq baǵdarlamasymen baılanysty birqatar áskerı komandırler, sheneýnikter men mamandarǵa soqqy jasady. Al AQSh Irannyń ıadrolyq nysandaryna shabýyl jasap, osy iske atsalysty. 

Sakntsııalar týraly sóz qozǵaǵanda Abbas Aragchı Irannyń shekteýler aıasynda ómir súrýge májbúr ekenin, alaıda olar sonymen birge ishki reformalardy júrgizýge múmkindikter taýyp jatqanyn atap ótti. 

- Sanktsııalar ekonomıkany turaqsyzdandyrý úshin psıhologııalyq qural retinde de qoldanylady, - dedi ol Syrtqy ister mınıstrliginiń sanktsııalardy múmkindiginshe joıyp, tym bolmaǵanda olardy jumsartý jolynda áreket ete beretinn qosa otyryp. 

Aragchı Tegerannyń Izraıl tarapynan áli de soqqy jasalýy múmkin ekenin joqqa shyǵarmaıdy. Degenmen Iran qazir mundaı jaǵdaıǵa jaqsy daıyndalǵan. 

Irannyń syrtqy saıası vedomstvosy basshysynyń málimdemeleri buqaralyq aqparat quraldarynyń Izraıl premer-mınıstri Bınıamın Netanıahýdyń AQSh prezıdenti Donald Tramppen alda ótetin kezdesýine aıryqsha nazar aýdaryp otyrǵan tusyna saı keldi. Bul kezdesýde Irannyń zymyran baǵdarlamasy jáne Tegeranǵa qysymdy odan ári kúsheıtý sharalary talqylanady degen boljam bar.

Vashıngton Iranǵa qatysty barynsha qatań qysym saıasatyn jalǵastyryp otyr, Izraıl bolsa Tegerannyń soǵystan keıin áskerı áleýetin qaıta qalpyna keltirip jatqanyn eskertti. Aragchı ótken aptada Irannyń jańa shabýyldar uıymdastyrýy múmkin ekenin aıtqan. Alaıda olar qazir shabýylǵa jaqsy daıyndalǵandyǵyn aıtyp otyr. 

Aıta keteıik, osyǵan deıin Iran men AQSh BUU Qaýipsizdik Keńesindegi kelissózder barysynda qatań málimdemeler jasaǵan bolatyn.