Irannyń Syrtqy ister mınıstri AQSh-pen kelissózge qatysty pikir bildirdi

ASTANA. KAZINFORM – Iran men AQSh qazirgi ýaqytta kelissóz júrgizip jatqan joq, tek habarlamalar almasyp jatyr. Bul týraly Irannyń Syrtqy ister mınıstri Abbas Arakchı Al Jazeera arnasyna bergen suhbatynda málimdedi.

Suhbatta Arakchı Irandaǵy kez kelgen tarappen kelissóz júrgizilip jatyr degen málimdemeler jalǵan ekenin atap ótip, barlyq habarlama Syrtqy ister mınıstrligi arqyly beriletinin nemese qabyldanatynyn jáne kúshtik qurylymdar arasynda baılanys bar ekenin qosty.

- Men Ýıtkoftan (AQSh prezıdentiniń elshisi – red.) burynǵydaı tikeleı habarlamalar alyp otyrmyn jáne bul bizdiń kelissóz júrgizip jatqanymyzdy bildirmeıdi, - dedi ol.

Osy arada mınıstr AQSh-pen tikeleı nemese aımaqtaǵy dostary arqyly habarlamalar almasqanyn moıyndady.

Ol sondaı-aq AQSh-tyń 15 tarmaqtan turatyn usynysyna qatysty pikir bildirdi.

- Biz amerıkalyq 15 usynysqa eshbir jaýap jibergen joqpyz, sondaı-aq eshqandaı usynys nemese shart usynǵan joqpyz, - dedi Abbas Arakchı.

Eske salsaq, osyǵan deıin Donald Tramp Iranǵa 15 tarmaqtan turatyn beıbit jospar usynǵany týraly aqparat paıda bolǵanyn jazdyq.