Irannyń syrtqy saýdasy toǵyz aıda 112 mlrd dollarǵa deıin ósti
Irannyń ekonomıka jáne qarjy mınıstri Ehsan Handýzıdiń aıtýynsha, 21 naýryz ben 22 jeltoqsan aralyǵyndaǵy 9 aıda syrtqy saýda kólemi 112 mlrd dollardy qurady. Kazinform bul týraly IRNA-ǵa silteme jasap habarlaıdy.
Ehsan Handýzıdiń aıtýynsha, Irannyń syrtqy saýda kólemi 2023 jyldyń 21 naýryzy men 22 jeltoqsany aralyǵynda 112 mlrd dollarǵa jetip, ótken jyldyń osy kezeńimen salystyrǵanda 7 paıyzǵa artqan.
Ol Iran Islam Respýblıkasynyń keden basqarmasy (IRICA) birinshi ret óz esebinde munaı, elektr energııasy, tehnıkalyq jáne ınjenerlik qyzmetterdiń eksportyn qosa alǵanda aı saıynǵy syrtqy saýda esebin eseptep shyǵarǵanyn aıtty.
Iran ekonomıka mınıstri «osy kezeń aralyǵynda elden 63 mlrd dollardan astam munaı jáne shıkizat emes ónimder eksporttalǵanyn, al elge 48 mlrd dollardan astam taýar ımporttalǵanyn» atap ótti.
