Irannyń Ortalyq banki naryqqa 500 mln dollar kóleminde banknot shyǵarady
ASTANA. KAZINFORM — Irannyń Ortalyq banki valıýta baǵamynyń qubylýy jaǵdaıynda naryqty retteý jáne shetel valıýtasynyń usynysyn arttyrý maqsatynda 25 tamyzdan bastap bank júıesine 500 mln dollar kóleminde banknot jetkizýdiń alǵashqy kezeńin bastaıtynyn málimdedi, dep jazady Anadoly.
Málimetke sáıkes, alǵashqy kezeńde banknottar ótinim bergen bankter arasynda bólinedi. Keıin olar klıentterge tańdalǵan bank bólimsheleri men aıyrbastaý pýnktteri arqyly usynylady.
Irannyń Ortalyq banki bank júıesine alǵashqy kezeńde 500 mıllıon dollar kóleminde qolma-qol valıýta jetkizý arqyly usynysty odan ári arttyryp, naryqtaǵy naqty suranysty resmı arnalar arqyly qanaǵattandyrýdy jalǵastyratynyn atap ótti.
Iranda AQSh-tyń ekonomıkalyq qysymynyń kúsheıýine baılanysty 24 tamyzda AQSh dollarynyń baǵamy ulttyq valıýtaǵa qatysty alǵash ret 2 mıllıon rıaldan asty.
Buǵan deıin Iran Ormýz buǵazynan ótý tártibin buzǵan kemelerdi tárkileıtinin málimdedi.
