Irannyń ońtústik-batysynda magnıtýdasy 5 baldyq jer silkinisi boldy
ASTANA. KAZINFORM – Irannyń ońtústik-batysyndaǵy Hýzestan provıntsııasynda magnıtýdasy 5 bolatyn jer silkinisi tirkeldi, dep habarlaıdy Anadolý.
Irannyń Ulttyq seısmologııalyq ortalyǵynyń málimetinshe, jer silkinisiniń epıtsentri Dızfýl okrýgine qarasty Sardasht aýdanynyń ákimshilik ortalyǵy Saland qalasy mańynda ornalasqan.
Jerasty dúmpýi jergilikti ýaqyt boıynsha saǵat 05:55-te tirkeldi.
Dúmpý Hýzestan provıntsııasynyń ákimshilik ortalyǵy Ahvaz qalasynda, sondaı-aq Endımeshk jáne Dızfýl qalalarynda da sezildi.
Jer silkinisiniń oshaǵy 8 shaqyrym tereńdikte ornalasqan. Qazirgi ýaqytta qıraýlar týraly aqparat túsken joq.
Zardapty baǵalaý úshin jer silkinisi bolǵan aýdanǵa Qyzyl Jarty aı uıymynyń qutqarý jasaqtary jiberilgeni habarlandy.
