Irannyń ońtústik-batysynda 5 baldyq jer silkinisi boldy
ASTANA.KAZINFORM - Irannyń ońtústik-batysynda 5 baldyq jer silkinisi boldy. Qyzyl Jarty aı qutqarý toptary yqtımal zalaldy baǵalaý úshin aımaqqa jiberildi, dep habarlaıdy Anadolu.
Irannyń Ulttyq seısmologııalyq ortalyǵynyń málimeti boıynsha, jer silkinisiniń epıtsentri Dezfýl okrýgi, Sardasht aýdanynyń ortalyǵy Saland qalasynyń mańynda bolǵan.
Jer silkinisi jergilikti ýaqyt boıynsha tańǵy saǵat 5:55-te tirkeldi. Olardy Hýzestan provıntsııasynyń astanasy Ahvaz qalasynyń, sondaı-aq Endımeshk jáne Dezfýl qalalarynyń turǵyndary da sezdi.
Jer silkinisiniń epıtsentri 8 shaqyrym tereńdikte ornalasqan.
Ázirge qıraý men qurbandar týraly aqparat joq.
Yqtımal zalaldy baǵalaý úshin jer silkinisi aımaǵyna Qyzyl Jarty Aı qutqarý toby jiberildi.
Aıta keteıik, Túrkııanyń Malatııa provıntsııasynda 5 baldyq jer silkinisi tirkelgen edi.
