Irannyń ońtústigindegi portta joıqyn jarylys boldy
ASTANA. KAZINFORM — Bender-Abbastaǵy Shahıd Radjaı portynda jarylys boldy, dep habarlaıdy IRNA.
Sońǵy málimetter boıynsha jarylys saldarynan zardap shekkender sany 406 adamǵa jetti.
— Bender-Abbastaǵy Shahıd Radjaı portyndaǵy qýatty jarylystan keıin jedel járdem qyzmeti dereý daıyndyq kúıine keltirildi. Qazirgi ýaqytta aýrýhanalarǵa 406 zardap shegýshi jetkizildi, — dedi eldiń Jedel járdem uıymynyń ókili.
Porttaǵy jarylysqa baılanysty keden qyzmeti Shahıd Radjaı portyndaǵy jarylys Porttar jáne teńiz júzý uıymyna qarasty «Sına» konteıner alańynda bolǵanyn habarlady.
Buǵan deıin Iran men AQSh Omanda ıadrolyq kelissózder júrgizetini málim boldy. Eki jaq AQSh sanktsııalaryn jeńildetýdiń ornyna Irannyń ıadrolyq áreketterin tejeýge baǵyttalǵan kelisimniń tehnıkalyq jaqtaryn kelisýge tyrysady.