Irannyń ońtústigindegi áýejaıda áýe qatynasy qaıta jandandy
ASTANA. KAZINFORM — Irannyń Bender-Abbas halyqaralyq áýejaıynda AQSh pen Izraıldiń Iranǵa qarsy soǵysy saldarynan birneshe ret toqtatylǵan áýe reısteri qaıta iske qosyldy. Ázirge ishki baǵyttar boıynsha eń kóp suranysqa ıe reıster oryndala bastady. Bul DW jazdy.
RNA agenttiginiń málimetine sensek, Parsy shyǵanaǵynyń jaǵalaýynda ornalasqan Irannyń ońtústigindegi portty Bender-Abbas qalasynyń halyqaralyq áýejaıynda áskerı qaqtyǵystarǵa baılanysty birneshe ret úzilisten keıin áýe qatynasy qaıta jandanǵan.
Hormozgan provıntsııasy Áýejaılar basqarmasynyń bas dırektory Kazem Tavassolınyń aıtýynsha, eń kóp suranysqa ıe ishki baǵyttar boıynsha turaqty reıster qaıta oryndala bastaǵan.
Onyń sózinshe, sońǵy kúnderi áýejaıdan shekteýli kólemde birneshe reıs oryndalǵan.
Qaqtyǵys bastalǵanǵa deıin áýejaı táýligine 35-40 reıske qyzmet kórsetken. Qazir jolaýshylar Tegeran – Bender-Abbas, Meshhed – Bender-Abbas jáne Bender-Abbas – Isfahan baǵyttary boıynsha eki jaqqa da bılet satyp ala alady.
Buǵan deıin Iran men Oman Ormýz buǵazy arqyly ótetin teńiz baǵyttarynyń kartasyn ázirleý jóninde kelisimge kelgen bolatyn.
