Irannyń ońtústiginde avtobýs apatynan 20-dan astam adam zardap shekti

ASTANA. KAZINFORM — Irannyń ońtústiginde avtobýs Sadr qalasyna kire beriste joldan shyǵyp ketip, 22 adam zardap shekti, dep habarlaıdy Report.

— Oqıǵa búgin tańerteń oryn alyp, oqıǵa ornyna bes jedel járdem kóligi bar brıgada jóneltilip, zardap shekkenderge alǵashqy medıtsınalyq kómek kórsetildi, - dep habarlady IRNA.

Aldyn ala málimet boıynsha, jaraqat alǵandardyń 19-y jetildirilgen medıtsınalyq kómek alý úshin Shahıd Radjaı aýrýhanasyna, al qalǵan úsheýi Shırazdaǵy Shahıd Chamran aýrýhanasyna jetkizildi.

Bul oqıǵanyń sebepterin quqyq qorǵaý organdary anyqtap jatyr.

Eske sala keteıik, Irannan shyǵarylǵan 70-ten astam aýǵanstandyq bosqyn jol apatynan qaza tapqany jaıly jazǵan edik.