Iran áýe kompanııalary AQSh sanktsııalaryna baılanysty halyqaralyq birneshe reısti toqtatty
ASTANA. KAZINFORM — Vashıngton Iranmen jumys isteıtin sheteldik áýejaılar men qyzmet kórsetýshi kompanııalarǵa ekinshi rettik sanktsııalar salý qaýpin tóndirip, eldiń avıatsııa salasyna qysymdy kúsheıtip otyr, dep habarlaıdy Kazinform agenttiginiń menshikti tilshisi.
AQSh-tyń jańa shekteýleri kúshine engennen keıin Iran áýe kompanııalary sársenbide halyqaralyq reısterdiń bir bóligin toqtatty. BAQ málimetinshe, Tegerannyń Baǵdad jáne Maskatpen áýe qatynasy úzildi.
Irak bıligi Baǵdad áýejaıynda Iran áýe kompanııalarynyń reısterin qabyldaýdy toqtatýdy buıyrdy. Reuters habarlaýynsha, taraptar bul reısterdi Iran qajylary jıi baratyn En-Nadjaf áýejaıyna baǵyttaý máselesin talqylap jatyr.
Iran Azamattyq avıatsııa uıymynyń ókili Madjıd Ahavan Tasnim agenttigine bergen suhbatynda Baǵdad pen Maskat áýejaılary Iran ushaqtaryn qabyldaýdy toqtatqanyn rastady. Qazir Irak jáne Oman bıligimen kelissózder jalǵasyp jatyr.
AFP agenttiginiń habarlaýynsha, Irannan Qatar, Grýzııa jáne Ázerbaıjanǵa qatynaıtyn áýe reısteri de ýaqytsha toqtatylǵan. Tegerandaǵy týrıstik kompanııa ókili reıs kestesiniń turaqsyzdyǵy men jańa reısterdiń toqtatylý qaýpine baılanysty bıletter satylymyna ýaqytsha shekteý qoıylǵanyn aıtty.
✈️ 🇺🇸 Iranian airlines were forced to cancel some international flights on Wednesday after the US tightened sanctions on Iran's aviation industry in a new effort to cripple its economy ➡️ https://t.co/nsRvCfllW3 https://t.co/gUmubLd20w
— AFP News Agency (@AFP) September 23, 2026
Irannyń halyqaralyq áýe qatynasy ázirge tolyq toqtaǵan joq. Sársenbi kúni Irannyń Mahan Air áýe kompanııasyna tıesili ushaq AQSh shekteýlerine qaramastan, Qytaıdyń Gýanchjoý qalasyna qondy. Budan bólek Shanhaı, Ystanbul, Erevan, En-Nadjaf jáne Dýbaı baǵyttaryna reıster josparlanǵan. Qytaı bıligi AQSh sanktsııalaryn zańsyz dep sanaıtynyn málimdep, olardy qoldanýǵa qarsylyq bildirdi.
Chinese Foreign Ministry spokesperson Guo Jiakun affirmed that #Beijing opposes "illegal unilateral sanctions" after US Treasury Secretary Scott Bessent warned that Iranian airlines could be shut down globally and threatened countries providing them with services such as landing facilities or fuel with exclusion from the #US dollar system. Asked specifically about Iranian flights scheduled to land in Guangzhou and Shanghai, Guo said China "consistently opposes illegal unilateral sanctions that have no basis in international law and are not authorized by the UN Security Council." #IranianAirlines #IranianFlights #Iran #China #USSanctions
— Al Mayadeen English (@MayadeenEnglish) September 23, 2026
AQSh Qarjy mınıstri Skott Bessent Iran áýe kompanııalaryna qyzmet kórsetetin sheteldik kompanııalar AQSh-tyń qarjy júıesine qol jetkizý múmkindiginen aıyrylýy múmkin ekenin eskertken.
— Ushaqtar qonǵan jaǵdaıda janarmaı quıýǵa, áýejaı qyzmetterin usynýǵa jáne bılet satýǵa bolmaıdy. Áıtpese, dollarlyq qarjy júıesinen shyǵarylasyzdar, — dedi ol.
Irannyń avıatsııa salasy kóp jyldan beri AQSh sanktsııalarynyń qysymynda keledi.
AQSh basqa memleketterdiń áýe keńistigin Iran ushaqtary úshin tikeleı jaba almaıdy. Alaıda Iran ushaqtaryna qyzmet kórsetetin sheteldik áýejaılar men kompanııalarǵa, sonyń ishinde janarmaı jetkizýshilerge, áýejaı qyzmetterine jáne bılet satý júıelerine sanktsııa salý qaýpi Iran áýe kompanııalarynyń halyqaralyq reısterdi oryndaýyna aıtarlyqtaı kedergi keltirýi múmkin.
Buǵan deıin Tramptyń Iranǵa qatysty qatań málimdeme jasaǵanyn habarlaǵan bolatynbyz.
