Irannyń eshqashan ıadrolyq qarýy bolmaıdy — G7 kóshbasshylarynyń málimdemesi

ASTANA. KAZINFORM — G7 elderiniń kóshbasshylary dúısenbi kúni birlesken málimdeme jasap, onda Irannyń ıadrolyq qarýy bolmaýy kerek dep málimdep, Izraıldiń ózin-ózi qorǵaý quqyǵyn rastady, dep habarlaıdy Politico. 

— Iran — aımaqtyq turaqsyzdyq pen lańkestiktiń negizgi kózi. Biz Iran eshqashan ıadrolyq qarýǵa ıe bola almaıtynyn dáıekti túrde málimdeımiz. Biz Taıaý Shyǵystaǵy soǵys qımyldaryn, sonyń ishinde Gazadaǵy atysty toqtatýdy keńeıtý úshin ırandyq daǵdarysty sheshýge shaqyramyz, — delingen AQSh, Ulybrıtanııa, Frantsııa, Germanııa, Italııa, Kanada jáne Japonııa, sondaı-aq Eýroodaq basshylary jarııalaǵan málimdemede. 

Bul málimdeme AQSh prezıdenti Donald Tramp Taıaý Shyǵystaǵy jaǵdaıǵa baılanysty G7 sammıtinen erte ketip qalǵan soń jasaldy.