Irannyń burynǵy Joǵarǵy kóshbasshysy Hameneı 4 shildede jerlenedi
ASTANA. KAZINFORM — Irannyń burynǵy Joǵarǵy kóshbasshysy Álı Hameneımen qoshtasý rásimi 4 shildede Tegeran qalasynda bastalady. Bul týraly Irannyń memlekettik telearnasyna silteme jasap, Anadoly agenttigi jazdy.
Málimetke sáıkes, 4–5 shilde kúnderi Tegerandaǵy Imam Homeını atyndaǵy ortalyq meshitte alǵashqy qoshtasý rásimi ótedi.
Jerleý sherýi 6 shildede el astanasynda uıymdastyrylsa, kelesi kúni shııtter úshin qasıetti sanalatyn Qum qalasynda jalǵasady.
Jerleý rásimi 9 shildede Hameneıdiń týǵan qalasy — Meshhedte aıaqtalyp, sonda jer qoınyna tapsyrylady.
Mátinde keltirilgen aqparatqa sáıkes, Álı Hameneı 28 aqpanda AQSh pen Izraıldiń Iran aýmaǵyna jasaǵan soqqylary saldarynan qaza bolǵan.
Eske sala keteıik, Tramp Irannyń joǵary jetekshisi Álı Hameneıdiń qaza tapqanyn 1 naýryzda habarlaǵan bolatyn. Kóp uzamaı Iran bıligi bul aqparatty rastaǵan edi.
