Irannyń batysynda AQSh pen Izraıl shabýylynan 6 adam qaza taýyp, 43 adam jaralandy
ASTANA. KAZINFORM — AQSh pen Izraıldiń Irannyń batysyndaǵy Lýrestan provıntsııasynyń Horramabad qalasyndaǵy azamattyq nysandarǵa jasaǵan soqqylary saldarynan 6 adam qaza taýyp, 43 adam jaraqat aldy, dep habarlaıdy Anadoly.
Irandyq BAQ-tyń Lýrestan provıntsııasy ákimshiligine silteme jasap habarlaýynsha, soqqylar qala soltústigindegi azamattyq nysandarǵa baǵyttalǵan.
Atys saldarynan birqatar úı zaqymdanyp, tórt ǵımarat qıraǵan.
Bılik ókilderi qaza tapqandar sany áli de artýy múmkin ekenin joqqa shyǵarmaıdy.
AQSh pen Izraıldiń Iranǵa shabýyly
Izraıl men AQSh 28 aqpanda ıadrolyq kelissózder júrip jatqan tusta Iranǵa qarsy shabýyldaryn bastaǵan.
Iran buǵan jaýap retinde Izraılge jáne óńirdegi jeti elge soqqy berdi.
AQSh pen Izraıl shabýyldary saldarynan Irannyń joǵarǵy kóshbasshysy aıatolla Álı Hameneı jáne birqatar joǵary laýazymdy tulǵalar qaza tapqany habarlandy.
