Irannyń Atom energetıkasy agenttigi: ýran baıytýdy toqtatpaımyz

ASTANA. KAZINFORM – Irannyń Atom energetıkasy jónindegi agenttigi AQSh-tyń Natanz jáne Fordo qalalaryndaǵy zaýyttarǵa jasaǵan shabýylyna qaramastan, eldiń ýran baıytý baǵdarlamasy toqtatylmaıtynyn málimdedi, dep jazdy BBC.

Reuters agenttigi keltirgen málimdemede Iran «eldiń óndiristik damýy» toqtamaıdy, dep naqty aıtylǵan. Bul tusta ıadrolyq ınfraqurylym meńzelip otyr.

– AQSh-tyń áreketterin halyqaralyq quqyq pen ıAdrolyq qarýdy taratpaý týraly sharttyń óreskel buzylýy dep ataımyz. MAǴATE uıymyn únsizdik pen áreketsizdik tanytty dep aıyptaımyz, – dedi Agenttik. 

Buǵan deıin AQSh Irannyń birneshe ıadrolyq nysandaryna áýe soqqylary jasaǵany habarlanǵan bolatyn.

Eske sala keteıik, AQSh Irannyń ıadrolyq nysandaryna soqqy jasap, Tramp operatsııany sátti dep ataǵan bolatyn.

Artynsha Donald Tramp AQSh Irannyń ýran baıytý nysandaryn tolyqtaı joıǵanyn málimdep, halyqqa úndeý jasady.

Bul jaǵdaıdy BUU Bas hatshysy Antonıý Gýterrısh AQSh-tyń Iranǵa qarsy jasaǵan áreketterine baılanysty tereń alańdaýshylyq bildirip, bul jaǵdaıdy halyqaralyq qaýipsizdik pen turaqtylyqqa qater tóndiretin qaýipti eskalatsııa retinde baǵalady.

Al, jaqynda ǵana Irannyń ýran baıytýy jańa deńgeıge shyqqany habarlanǵan edi. Tegeran ýran qoryn qarý jasaýǵa jaqyn deńgeıde baıytyp, ony kóbeıtýdi jalǵastyryp otyr. Bul týraly Halyqaralyq atom energııasy agenttiginiń (MAGATE) qupııa esebinde aıtylǵan bolatyn.