Irannan Túrikmenstan arqyly 100-den astam adam shyqty: arasynda qazaqstandyqtar da bar

ASTANA. KAZINFORM — Túrikmenstan Irannan kelgen shetel azamattaryna gýmanıtarlyq kómek kórsetip jatyr. Bul týraly Túrikmenstan Syrtqy ister mınıstrliginiń baspasóz qyzmeti habarlady. 

Taıaý Shyǵysta qalyptasqan jaǵdaıǵa baılanysty Túrikmenstan óz aýmaǵyn sheteldik dıplomattar men olardyń otbasy músheleriniń, sondaı-aq qazirgi ýaqytta Iran aýmaǵynda júrgen basqa da azamattardyń elden shyǵýyna múmkindik berý úshin shuǵyl sharalar qabyldap jatyr.

— Búgingi kúngi málimet boıynsha, Túrikmenstannyń memlekettik shekarasyn baqylaý-ótkizý beketteri arqyly Qazaqstan, Qyrǵyzstan, Ózbekstan, Tájikstan, Rýmynııa jáne basqa elderdiń shamamen 120 azamaty ótti, — delingen habarlamada.

Kelgen azamattarǵa avtokólik, tamaq, qonaq úıler men alǵashqy qajetti zattar usynyldy.

Gýmanıtarlyq mıssııany júzege asyrý aıasynda Túrikmenstannyń tıisti memlekettik organdary shetel memleketteriniń dıplomatııalyq mıssııalarymen jáne halyqaralyq uıymdarmen tyǵyz yntymaqtastyq ornatqan.

Bul turǵyda Túrikmenstan gýmanızm, halyqaralyq yntymaqtastyq jáne tatý kórshilik qaǵıdattaryna berik ekenin naqty is júzinde dáleldep otyr. Bul ásirese BUU Bas Assambleıasy Túrikmenstannyń bastamasymen jarııalaǵan Beıbitshilik pen senimniń Halyqaralyq jyly jaǵdaıynda asa mańyzdy. 

Aıta ketelik Iran Izraılge taǵy da zymyran jibergen edi.