Irannan Ortalyq Azııa elderine jetýi múmkin «qyshqyl bulttar» týraly aqparat – negizsiz
ASTANA. KAZINFORM - Jalǵan aqparatqa qarsy is-qımyl ortalyǵy áleýmettik jelilerde, sondaı-aq keıbir qazaqstandyq jáne sheteldik BAQ-da Iran aýmaǵynda Ortalyq Azııa elderine jetýi múmkin «qyshqyl bulttar» paıda bolǵany týraly aqparattyń taralýyn tirkedi.
Osyǵan baılanysty «Qazgıdromet» mundaı málimdemelerdiń ǵylymı derektermen jáne baqylaý nátıjelerimen rastalmalmaǵanyn habarlady.
Qyshqyl jaýyn-shashyn atmosferaǵa negizinen ónerkásip, energetıka jáne kólik salalarynan túsetin kúkirt pen azot oksıdterinen túziledi. Olar, ádette, lastaný kózderine jaqyn mańda paıda bolady. Aýa massalary alys qashyqtyqqa jyljyǵan kezde, bul zattardyń kontsentratsııasy tabıǵı atmosferalyq protsesterdiń áserinen aıtarlyqtaı tómendeıdi.
Monıtorıng málimetterine sáıkes, mundaı lastanýdyń Qazaqstan men Ortalyq Azııa elderine qaraı jyljý belgileri baıqalmaıdy.
- Jalǵan aqparatqa qarsy is-qımyl ortalyǵy azamattardy Ekologııa jáne tabıǵı resýrstar mınıstrliginiń ulttyq meteorologııalyq jáne ekologııalyq qyzmetteri usynǵan resmı málimetterge senýge jáne tekserilmegen aqparatty taratpaýǵa shaqyrady,-delingen habarlamada.
Osyǵan deıin Izraıl armııasynyń Irandaǵy janarmaı qoımalaryna soqqy jasaǵany týraly jazdyq.
