Irannan evakýatsııalanǵan Qytaı azamattarynyń alǵashqy toby Ázerbaıjanǵa jetkizildi
ASTANA. KAZINFORM — Jeksenbi kúni evakýatsııalanǵan 18 Qytaı azamaty Ázerbaıjannyń Astara qalasyndaǵy baqylaý-ótkizý pýnkti arqyly Ázerbaıjan men Iran shekarasyn kesip ótti, dep habarlaıdy Sınhýa agenttigi.
Jergilikti ýaqyt boıynsha shamamen saǵat 14:30-da evakýatsııalanǵan azamattar Ázerbaıjan aýmaǵyna kire bastady. Al shamamen 16:30-da Qytaı Halyq Respýblıkasynyń Ázerbaıjandaǵy elshiligi usynǵan avtobýspen olar baqylaý-ótkizý pýnktinen shyǵyp ketti.
Elshilik qyzmetkerleriniń habarlaýynsha, evakýatsııalanǵandar Ázerbaıjannyń astanasy Baký qalasyna jetkiziledi.
Senbi kúni QHR-dyń Ázerbaıjandaǵy elshiligi Irannan Ázerbaıjanǵa kirip jatqan Qytaı azamattaryna qajetti barlyq kómekti kórsetýge daıyn ekenin málimdegen edi.
Aıta keteıik, buǵan deıin Irannan kórshiles elder arqyly Qazaqstan azamattaryn evakýatsııalaýdyń baǵyttary anyqtalǵanyn jazdyq.
Al 3 naýryzǵa qaraǵan Flydubai áýe kompanııasy Dýbaıdan Qazaqstanǵa reısterdi bastaıdy.