Irannan búginge deıin 66 Qazaqstan azamaty elge qaıtaryldy – QR SІM

ASTANA. KAZINFORM - Qazaqstan Respýblıkasy Syrtqy ister mınıstrligi quzyrly memlekettik organdarmen birlesip, Taıaý Shyǵystan azamattarymyzdy qaıtarý jumystaryn jalǵastyryp jatyr.

QR Syrtqy ister mınıstrligi baspasóz qyzmetiniń habarlaýynsha, evakýatsııa bastalǵaly beri rezıdent jáne rezıdent emes áýe kompanııalarynyń qoldaýymen 4700-den astam qazaqstandyq elge oraldy.

Áýe reısterimen qatar, azamattardy shyǵarý jerústi joldary arqyly da júzege asyrylyp jatyr. 6 naýryzda QR sheteldegi mekemeleri «Zarkýh» kompanııasynyń 7 qyzmetkeri – QR azamattarynyń Iran-Armenııa shekarasyna shyǵýyn uıymdastyrdy. Aldyn ala aqparatqa sáıkes, «Zarkýh» kompanııasy qalǵan 16 qazaqstandyqty da osy baǵyt boıynsha evakýatsııalaýdy josparlap otyr. Jalpy Irannan búginge deıin 66 Qazaqstan azamaty elge qaıtaryldy.

-Óńirdegi Qazaqstannyń dıplomatııalyq ókildikteri jergilikti jerde is-qımyldardy úılestirý jumystaryn jalǵastyryp, otandastarymyzben turaqty baılanysta,-delingen habarlamada.

Osyǵan deıin Taıaý Shyǵystan 12 áýe reısimen 3300-den astam qazaqstandyq elge oralǵany týraly jazdyq.