Irannan Almatyǵa 866 myń qorap temekini zańsyz jetkizbek bolǵan

AQTAÝ. QazAqparat - Mańǵystaý oblysy boıynsha Memlekettik kirister departamenti men Ekonomıkalyq tergeý departamenti birlesip, iri kontrabandalyq temeki óniminiń jolyn kesti, dep habarlaıdy QazAqparat.

Memlekettik kirister komıtetiniń málimetinshe, «Morport» keden beketinde Iran Islam Respýblıkasynan Almaty qalasyna baǵyt alǵan konteıner ustaldy.

«Inspektsııalyq tekserý kesheni (ITK) arqyly tekserilgennen keıin konteıner ashyldy. Qyzmetkerler qujattar boıynsha málimdelgen «jaryqdıodty shamdardyń» ornyna 866 myń qorap kóleminde jarııalanbaǵan taýar – temeki tapty.

Memleketke keltirilgen zalaldyń, tólenbegen kedendik tólemder men salyqtardyń aldyn ala somasy keminde 300 mln teńgeni qurady. Atalǵan fakti boıynsha QR QK 234 babymen qylmystyq is qozǵaldy, jedel is-sharalar júrgizilýde», - dep jazylǵan habarlamada.

Qazaqstan Respýblıkasy Qylmystyq-protsestik kodeksiniń 201-babyna sáıkes, ózge de málimetter tergeý múddesi úshin jarııalaýǵa jatpaıdy.

Foto: pixabay