Iranmen soǵysta AQSh-tyń 365 áskerı qyzmetkeri zardap shekti

ASTANA. KAZINFORM — AQSh pen Izraıldiń Iranǵa jappaı soqqylary bastalǵannan beri 365 amerıkandyq áskerı qyzmetker jaraqat aldy, dep habarlaıdy Sınhýa.

Zardap shekkenderdiń 247-i qurlyq áskeriniń qyzmetshisi, 63-i áskerı teńizshi, 19-y teńiz jaıaý áskeri jáne 36-y áskerı áýe kúshteriniń ushqyshy.

Qaqtyǵysta qaza tapqandar sany — 13 adam. Onyń 7-ýi shaıqasta, 6-ýy Irannyń Kýveıtke áýe shabýylynan, al bireýi Saýd Arabııasynda jaraqattan qaza tapty. Olardyń qataryna Iran kúshteri tarapynan atyp túsirilgen nemese zaqymdanǵan amerıkalyq áskerı ushaqtar ekıpajynyń músheleri kiretin nemese kirmeıtini belgisiz.

Aıta keteıik, 3 sáýir kúni Irannyń qarýly kúshteri amerıkalyq joıǵysh ushaqty atyp túsirgenin málimdedi.

AQSh pen Iran sol kúni joǵalyp ketken amerıkalyq ushqyshty qatar izdestirý jumystaryn júrgizip jatyr.