Iranmen soǵys aıaqtalýǵa jaqyn - Tramp
ASTANA. KAZINFORM - AQSh prezıdenti Donald Tramp Vashıngton men Tegeran arasyndaǵy qaqtyǵys aıaqtalýǵa jaqyn dep sanaıdy. Ol bul másele boıynsha óz pikirin Fox News telearnasyna bergen suhbatynda aıtty.
Sársenbi, 15 sáýirde efırge shyǵýy josparlanǵan áńgimeden úzindi arnanyń veb-saıtynda jarııalandy.
Tramp áskerı áreketti qoldaýdyń negizgi dáleli retinde Irannyń ıadrolyq baǵdarlamasyn taǵy da keltirdi.
- Men aralasýǵa májbúr boldym, eger aralaspasam, qazir ıadrolyq qarýy bar Iran bolar edi, - dedi Tramp.
Soǵys aıaqtaldy ma degen suraqqa Aq úı basshysy: «Meniń oıymsha, ol aıaqtalýǵa jaqyn. Óte jaqyn», - dep jaýap berdi.
Buǵan deıin New York Post gazetine telefon arqyly bergen suhbatynda AQSh prezıdenti Iranmen qaqtyǵys týraly óz oıyn bildirip, Tegeranmen kelissózderdiń ekinshi kezeńi aldaǵy eki kúnde Pákistanda ótýi múmkin ekenin atap ótti.
- Aldaǵy eki kúnde birdeńe bolýy múmkin jáne biz sol jerge barýǵa daıynbyz, - dedi ol.
Tramp kelissózderdiń ekinshi kezeńinde AQSh atynan kim baratynyn naqtylamady, biraq ózi qatyspaıtynyn aıtty.
Aıta keteıik, ótken apta sońynda Pákistan astanasynda AQSh-Iran kelissózderi ótti. Alaıda soǵysty toqtatý týraly kelisimge kele almady.
Buǵan deıin AQSh vıtse-prezıdenti Iranmen kelissózderge qatysty kútpegen málimdeme jasaǵan bolatyn.