Iranmen aradaǵy soǵystyń aýyly alys emes - Ortalyq barlaý basqarmasynyń burynǵy basshysy
ASTANA. Shildeniń 26-sy. QazAqparat - Iranmen aradaǵy soǵystyń aýyly alys emes, dep málim etti AQSh-tyń Ortalyq barlaý basqarmasynyń burynǵy dırektory Maıkl Heıden. CNN telekompanııasyna bergen suhbatynda ol, Iranǵa qarsy soqqyny «túıindi sheshýdiń qazirgi tańdaǵy eń aıqyn joly» dep sanaıtynyn málim etti, dep habarlaıdy RBK agenttigi. M.Heıdenniń pikirinshe, Iran tipti ıadrolyq qarý jasaýǵa jaqyn kelse de, bul másele álemge úlken teris áserin tıgizetin bolady.
Osylaısha, M.Heıdenniń bul málimdemesi, Iranǵa qatysty halyqaralyq sanktsııalardyń nátıjesi az ekenin pash etýde.
Degenmen, bul týraly buǵan deıin Iran Prezıdenti Mahmud Ahmadınejadtyń ózi de málim etken edi.
Esterińizge sala keteıik, BUU Qaýipsizdik Keńesi maýsymnyń 9-ynda Iranǵa qarsy halyqaralyq sanktsııalardyń tórtinshi kezegin engizýdi qoldap, daýys bergen bolatyn. Sóıtip, qarý-jaraq saýdasy boıynsha Tegranǵa qarsy embargo qataıtyldy jáne osynaý sanktsııamen qamtylǵan ırandyq uıymdardyń tizimi keńeıtildi. Iranǵa sondaı-aq, shabýyldaýshy tikushaqtar nemese zymyrandar sııaqty aýyr qarý-jaraqtar satyp alýǵa tyıym salynyp otyr. Sonymen birge, ıadrolyq baǵdarlamaǵa qatysy bar dep kúdik keltirilgen shetelderdegi ırandyq bankterge de qarsy sharalar qabyldanbaq.
