Iranǵa jasalǵan shabýyldardan shamamen 800 adam qaza tapty
ASTANA. KAZINFORM – Qyzyl Jarty Aı uıymynyń málimeti boıynsha, AQSh pen Izraıldiń Iranǵa jasaǵan áýe shabýyldarynan kem degende 787 adam qaza tapty, dep habarlaıdy Kazinform agenttigi.
Atalǵan uıym bul sandar «arnaıy toptardyń dalalyq esepterine» negizdelgenin habarlaıdy.
– Irannyń 300-den astam aımaǵynyń 153-indegi 504 nysanǵa shabýyl jasaldy. 3 600-den astam feldsher izdeý-qutqarý jáne evakýatsııalaý operatsııalaryna qatysyp, jaralanǵandarǵa medıtsınalyq kómek kórsetti, - delingen Qyzyl Jarty Aı uıymynyń málimdemesinde.
Eske sala keteıik, buǵan deıin AQSh-tyń Ortalyq qolbasshylyǵy (CENTCOM) «Epıkalyq qahar» operatsııasynyń alǵashqy 24 saǵatynda Irannyń 1 000-nan astam nysany joıylǵanyn habarlaǵan bolatyn.
Sondaı-aq senbi kúni Iranǵa jasalǵan shabýyldarda 201 adamnyń qaza tapty.
