Iranǵa jasalatyn eń aýyr soqqylar áli alda — Marko Rýbıo

ASTANA. KAZINFORM — AQSh-tyń memlekettik hatshysy Marko Rýbıo Irandy amerıkalyq áskerılerdiń budan da qatań soqqylary kútip turǵanyn eskertti. Bul týraly VVS jazdy.

«Men bizdiń taktıkalyq áreketterimizdiń barlyq búge-shigesine sheıin ashpaımyn, biraq eń aýyr soqqylardy amerıkalyq áskerıler endi jasaıdy. Kelesi kezeń Iran úshin qazirgi jaǵdaıdan da aýyr bolady», dedi Rýbıo.

Ol sondaı-aq Irandaǵy operatsııa qajet bolǵansha jalǵasatynyn aıtty.

«Bizdiń maqsattarymyz bar. Biz bul áreketterdi sol maqsattarǵa jetkenge deıin jalǵastyramyz», dep málimdedi Memlekettik departament basshysy.

«Bul operatsııanyń maqsaty — olardyń ballıstıkalyq zymyran salasyndaǵy áleýetin joıý jáne ony qaıta qalpyna keltire almaýyn qamtamasyz etý», dep atap ótti Rýbıo.

Aıta keteıik, Pentagon Iranǵa jasalǵan soqqy týraly alǵash ret málimdeme jasady. Al Tramp áskerı operatsııa qajet bolǵansha jalǵasatynyn jarııa etti.