Iranǵa toqtatylǵan aktıvterdi berý merzimderi belgilendi
ASTANA. 14 qańtar. QazAqparat - Iranǵa onyń buǵan deıin toqtatylǵan 4,2 mlrd. dollar aktıvterin berýdiń 550 mıllıon dollar kólemindegi alǵashqy transhy 1 aqpanda nemese kelesi kúnge qaraǵan túni beriledi, dep habarlady Reıter AQSh úkimetindegi derekkózge silteme jasap.
Budan buryn 2013 jylǵy 24 qarashada Jenevadaǵy Iran men halyqaralyq araaǵaıyndar «altylyǵy» arasyndaǵy qol jetkizilgen ýaǵdalastyq boıynsha kelisim sharttaryna sáıkes ony oryndaý 20 qańtarda bastalmaq. AQSh memlekettik hatshysy Djon Kerrıdiń aıtýynsha, Tegeran ıadrolyq baǵdarlamasyn toqtatýǵa aıyrbas retinde 4,2 mıllıard dollar aktıvterin óz ıadrolyq baǵdarlamasyn toqtatýyna qaraı transhpen alatyn bolady. Agenttik aqparatyna qaraǵanda, ırandyq toqtatylǵan aktıvterdi bosatý 1 aqpanda bastalady. Eger bul kún senbige týra kelse, transh dúısenbi jiberiledi. Al kelesi transh 1 naýryzda beriledi, onyń mólsheri - 450 mıllıon dollar. Odan ári tólemder 2014 jylǵy 7 naýryzda, 10 jáne 15 sáýirde, 14 mamyrda, 17 maýsymda jáne 20 shildede júrgiziledi, dep habarlady Reıter.
