Iranǵa Taıaý Shyǵystaǵy jańa qaýipsizdik odaǵyna qosylý usynyldy
ASTANA. KAZINFORM — Iranǵa Mekke paktine qosylý týraly usynys jasaldy, dep habarlaıdy Kazinform TASS-qa silteme jasap.
Bul týraly Iran Májilisiniń (parlamentiniń) aqparat agenttigi basshysy Mehdı Rahımı Al Mayadeen telearnasyna bergen suhbatynda málimdedi.
Onyń aıtýynsha, Iran uzaq ýaqyttan beri umtylyp kelgen «aımaqtyq qaýipsizdik qolshatyrynyń» qurylýy Islam Respýblıkasynyń jeńisi bolar edi.
Buǵan deıin Túrkııa, Saýd Arabııasy jáne Pákistan qorǵanys týraly kelisimge qol qoıǵan. Úsh el ortaq qaýipsizdikti nyǵaıtýǵa, áskerı yntymaqtastyqty damytýǵa jáne taraptardyń birine qarýly shabýyl jasalǵan jaǵdaıda birlesken is-qımyldy úılestirýge ýaǵdalasty.
7 tamyzda Mekkede Saýd Arabııasy, Pákistan jáne Túrkııa arasynda jasalǵan qorǵanys kelisimi Taıaý Shyǵystaǵy qaýipsizdiktiń jańa arhıtektýrasy qalyptasyp kele jatqanynyń bir belgisi bolýy múmkin. AQSh pen Iran arasyndaǵy soǵys jáne Vashıngtonnyń aımaqtaǵy bolashaq róline qatysty belgisizdik jaǵdaıynda óńir elderi óz qaýipsizdiginiń qosymsha kepildikterin izdeı bastady.
Eske salaıyq, buǵan deıin Iran Iraktyń munaı tankerlerine Ormýz buǵazy arqyly ótýge ruqsat bergenin habarlaǵan edik.
