Iranǵa sheteldegi 100 mlrd dollar aktıvi qaıtaryldy
ASTANA. QazAqparat - Iran 100 mlrd-qa jýyq dollar somasyndaǵy sheteldik aktıvteriniń qaıtarylýy týraly jarııalady. Bul qarajat 2012 jyly salynǵan sanktsııalarǵa baılanysty qursaýlanǵan.
Bul birneshe jyl ishinde Qytaı, Úndistan, Japonııa jáne basqa elderdiń bankterindegi esepshottarda jınalǵan munaı kelisimderinen túsken tabys bolatyn.
«Bul aktıvter tolyq qaıtaryldy, endi olardy paıdalana alamyz», - dedi el úkimetiniń resmı ókili Mohammed Bakr Novbahkt jergilikti teledıdarǵa bergen suhbatynda.
Qarjylardyń keri qaıtarylýyna ıran bankileriniń SWIFT aýdarym júıesine qosylmaýy kedergi keltirgen. Jeksenbi kúni eldiń Ortalyq banki bankterdiń atalǵan júıege qaıta qosylǵandyǵyn jarııa etken edi.
