Iranǵa qatysty sanktsııalar 2016 jyldyń sáýirine deıin tolyq sheshilmeýi múmkin - Vitol Group kompanııasy
ASTANA. QazAqparat - Barsha munaı salasy Irandaǵy esep-shottarǵa aqsha aýdarý múmkindigin kútip otyr. Bul týraly búgin Astanadaǵy «KAZENERGY-2015» onynshy Eýrazııalyq forýmy aıasyndaǵy baspasóz máslıhatynda Vitol Group basqarma tóraǵasy ıAn Teılor málim etti.
«Bul úderis bir kúndik sharýa emes ekeni túsinikti. Barsha munaı salasy sanktsııalar (Iranǵa qatysty) tolyqtaı toqtatylýyn kútýi kerek. Bul turǵyda BUU rásimderi men banktiń sanktsııalar sheshilýi qajet, ıaǵnı osy sharalar aqshany Iranǵa nemese kerisinshe Irnannan aýdarý múmkindigi jasaýy úshin kerek. Osy úderis qashan aıaqtalatyndyǵy týraly aıtý qıyndaý. Ókinishke qaraı, bul máselede men sheshim qabyldamaımyn»,-dedi ıAn Teılor.
Onyń paıymynsha, aldaǵy jyldyń birinshi toqsany aıaǵynda bul baǵyttaǵy sharalar tolyq iske asyrylýy ekitalaı.
«Osy máselede ırandyqtar optımıstik kózqarasta shyǵar, alaıda naýryz-sáýirge deıin naqty sheshimder oryn almaıtyn sekildi»,-dedi ol.
Vitol Group - munaı jáne munaı ónimderiniń saýdasyna negizdelgen shveıtsarlyq-nıderlandtyq kompanııa. Ol 1966 jyly qurylǵan. Álemda aýqymy boıynsha ekinshi munaı treıderi bolyp tabylady.
