Iranǵa qarsy sanktsııalardy alyp tastaý munaı baǵasynyń 20 dollarǵa tómendetýi múmkin
ASTANA. QazAqparat - Eger Iranǵa qarsy sanktsııalar alyp tastalsa, el munaıdyń onsyz da mol taýar naryǵyna oralady. Onyń tez ótýi ekitalaı, biraq munaı baǵalary qaıta úlken qysymǵa alynady, dep boljaıdy sarapshylar. Bul týraly RBK habarlaıdy.
Qazirgi úlgidegi embargo 2012 jyly qalyptasqan - EO ırandyq munaıdyń ımportyna tyıym salsa, 1980 jyldardyń sońynda ózderiniń kompanııalaryna Iran munaıyn satyp alýǵa tyıym salǵan AQSh Iran munaıyn úshinshi elderdiń satyp alýyn jabýǵa baǵyttalǵan sanktsııalardy ekinshi márte engizgen.
Embargo belgilengen 2012 jyldyń ortasyna deıin Islam Respýblıkasy 21 elge munaı jetkizgen edi. Sanktsııalar jumsartylǵan soń 2013 jyldyń qarasha aıynda alty el - Qytaı, Úndistan, Japonııa, Ońtústik Koreıa, Túrkııa jáne Taıvan Iran munaıyn satyp alý múmkindigine ıe boldy.
