Iranǵa qarsy soǵys tórt myńnan astam adamnyń ómirin qıdy
ASTANA. KAZINFORM - Birikken Ulttar Uıymynyń málimetinshe, AQSh pen Izraıldiń Iranǵa qarsy soǵysy saldarynan shamamen 4,25 mıllıon adam bosqynǵa aınalǵan, dep habarlaıdy BILD.
Onyń ishinde Iranda 3,2 mıllıonǵa jýyq adam, Lıvanda 1 mıllıonnan astam adam úılerin tastap ketken. Sonymen qatar qaqtyǵys barysynda shamamen 4,1 myń adam qaza tapqan: onyń 2,4 myńy Iranda, 1,7 myńy Lıvanda tirkelgen.
Dúnıejúzilik densaýlyq saqtaý uıymynyń sońǵy derekterine sáıkes, 28 aqpannan beri túrli jaraqat alǵandar sany 45,7 myń adamǵa jýyqtaǵan. Olardyń qatarynda Izraıl aýmaǵynda Iran shabýyldary saldarynan zardap shekken 7 myń adam da bar.
Aıta keteıik, osyǵan deıin Izrıal premer-mınıstri Bınıamın Netanıahý Izraıl Iranmen kez kelgen sátte qaıta soǵysýǵa daıyn ekenin aıtqan bolatyn.
Al AQSh pen Irannyń kelissóz júrgizýshi toptary senbi kúni Islamabadta kezdesedi.
