Iranǵa qarsy operatsııa jaqyn arada aıaqtalady, biraq osy aptada emes — Tramp
ASTANA. KAZINFORM — Amerıka prezıdenti Donald Tramp AQSh pen Izraıldiń Iranǵa qarsy operatsııasy jaqyn arada aıaqtalatynyn málimdedi, dep habarlaıdy Report.
Ol bul týraly Aq úıde jýrnalısterdiń suraqtaryna jaýap berý barysynda aıtty.
— Men olaı oılamaımyn. Biraq bul jaqyn arada aıaqtalady, — dep atap ótti amerıkandyq kóshbasshy osy aptada Iranǵa qarsy áskerı naýqannyń aıaqtalýy múmkin degen pikirge.
Eske sala keteıik, 28 aqpanda AQSh pen Izraıl Iranǵa qarsy áskerı operatsııa bastady. Irannyń iri qalalary, sonyń ishinde Tegeran da soqqyǵa jyǵyldy. Sonymen birge AQSh Iran halqyn óz úkimetine qarsy kóterilip, bılikti basyp alýǵa ashyq túrde shaqyrdy. Soqqylardan Irannyń rýhanı kósemi aıatolla Álı Hameneı men Islam respýblıkasy basshylyǵyndaǵy taǵy birneshe mańyzdy tulǵalar qaza tapty. Iran Bahreın, Iordanııa, Katar, Kýveıt, BAÁ jáne Saýd Arabııasyndaǵy Izraıl men AQSh nysandaryna qarsy jaýap operatsııalaryn bastady.
Buǵan deıin Tramp Iranǵa qarsy áskerı operatsııa bastalǵan kúni onyń uzaqqa sozylýy da, 2–3 kúnde aıaqtalýy da múmkin ekenin aıtqan edi.
