Iranǵa qarsy operatsııa: Osy ýaqytqa deıin Amerıkanyń qansha áskerı qyzmetkeri jaralandy
ASTANA. KAZINFORM — AQSh pen Izraıldiń Iranǵa qarsy operatsııasy kezinde shamamen 290 amerıkalyq áskerı qyzmetker jaralandy, dep habarlaıdy TASS.
AQSh Ortalyq qolbasshylyǵy ókiliniń aıtýynsha, qaqtyǵys kezinde jaraqat alǵan 290 sarbazdyń 255-i qyzmetke oralǵan, al 10 amerıkalyq áskerı qyzmetker aýyr jaralanǵan. Buǵan deıin urysta 200 adam jaralanyp, 13 adam qaza tapqany habarlanǵan bolatyn.
Osy aptanyń basynda Iran Qarýly Kúshteri Hatam al-Anbııa ortalyq qolbasshylyǵynyń baspasóz hatshysy Ebrahım Zolfagarı AQSh áskeri Iranǵa qarsy agressııa kezinde qaza bolǵandar men jaralanǵandardyń naqty sanyn jasyryp otyrǵanyn aıtty.
28 aqpanda AQSh pen Izraıl Iranǵa qarsy áskerı operatsııa bastady. Irannyń iri qalalary, sonyń ishinde Tegeran da soqqyǵa jyǵyldy. Aq úı bul shabýyldy Tegerannan shyqqan zymyrandyq jáne ıadrolyq qaterlerge silteme jasap aqtady.
Al Iran Parsy shyǵanaǵyndaǵy AQSh-tyń áskerı nysandaryna shabýyl jasady.
