Irandyqtar men qazaqtardyń baılanysy 27 jylmen shektelmeıdi - elshi
Irannyń Qazaqstandaǵy Tótenshe jáne ókiletti elshisi Madjıd Samadzade Saberdiń aıtýynsha, Qazaqstan - osy eldiń senimdi seriktesi. Al ırandyqtar men qazaqtar arasyndaǵy qarym-qatynastyń tarıxy tereńde jatyr.
«Kaspıı teńizinde kórshiles Qazaqstan Respýblıkasymen yntymaqtastyqty damytý bizdiń syrtqy saıasatymyzdyń mańyzdy qaǵıdaty bolyp sanalady. 29 qańtarda Iran men Qazaqstan arasyndaǵy dıplomatııalyq qarym-qatynastardyń ornaǵanyna 27 jyl toldy. Árıne, ırandyqtar men qazaqtardyń baılanystary 27 jylmen shektelmeıdi, ekijaqty baılanystarymyzdyń tarıxy tereń. Bizdiń 3 myńnan astam ortaq sózderimiz bar. Eki elge ortaq tarıxı týyndylar men tulǵalar qanshama. Qazaqstandyq ádebıetshiler Ferdoýsı, Hafız, Saǵdı, Haıam jáne Nızamı sııaqty sóz sheberleriniń shyǵarmalarymen jaqsy tanys. Atalǵan tulǵalar Qoja Axmet ıAsaýı, Abaı Qunanbaıuly, Shákárim Qudaıberdiuly, Muxtar Áýezov syndy tanymal aqyn-jazýshylardyń shyǵarmalaryna da áser etti. Sondaı-aq, eki eldiń ataqty aqyndary men jazýshylarynyń talaı týyndylary parsy jáne qazaq tilderine aýdaryldy. Osynyń bári eki ulttyń mádenı baılanysy tereń ekenin kórsetse kerek», - dedi Madjıd Samadzade Saber saltanatty sharanyń ashylý rásiminde.
Elshiniń sózine qaraǵanda, Iranda turyp jatqan qazaqtar az emes. Qazaqstan jerinde de ırandyqtar kóp. Osynyń ózi ekijaqty senim men dostyqtyń kórinisi ispetti.
«Sońǵy jyldary eki memlekettiń mádenı jáne saıası-ekonomıkalyq baılanystary kúsheıip keledi. Memleket basshylarymyzdyń ózara saparlary men kezdesýleri osy úderiske tyń serpin berip otyr. Byltyr Iran Islam Respýblıkasynyń basshysy Hasan Rýxanı myrzanyń Kaspıı teńizi jaǵalaýy memleket basshylarynyń sammıtine qatysý úshin Aqtaýǵa jasaǵan sapary, eki memlekettiń syrtqy ister mınıstrleri men laýazymdy tulǵalardyń ózara saparlary ekijaqty aımaqtyq jáne xalyqaralyq máseleler boıynsha tıimdi konsýltatsııalar jasaýǵa qolaıly jaǵdaı jasady. Osy úderisti odan ári jalǵastyra otyryp, qolda bar múmkindikterdi barynsha paıdalanýymyz qajet. Memleket basshylarymyzdyń nusqaýlaryn júzege asyrsaq, onyń paıdasyn aımaq elderi de kóre alady. Yntymaqtastyq baılanystarymyzdyń odan ári damýyna kýá bolatynymyzǵa úmittenemin», - dep atap kórsetti elshi. 
Aıta keteıik, bıyl Iran Islam Respýblıkasy ıslam revolıýtsııasynyń 40 jyldyǵyn atap ótýde. 1979 jyly atalǵan memleket ózin Islam Respýblıkasy dep jarııalady.
