Irandyq ıadrolyq baǵdarlama boıynsha kelisim resmı kúshine endi
ASTANA. QazAqparat - Tegeran men «altylyq» Venada qol jetkizgen Irandyq ıadrolyq baǵdarlama boıynsha kelisim 18 qazanda resmı kúshine endi, dep habarlady RBK.
Bloomberg agenttigi atap ótkendeı, kelisimniń kúshine enýi barlyq taraptar úsh aı buryn moınyna alǵan barlyq mindetterdi oryndaýǵa kirisýi tıis degendi bildiredi. Iran myńdaǵan tsentrıfýganyń konservatsııalap, baıytylǵan ýrannyń 95%-yn joıyp, reaktordy jańǵyrtýy tıis. AQSh pen Eýropa sanktsııalardan bas tartýǵa daıyndalýy tıis. Olar Iran kelisimdegi óz mindetterin oryndap bolǵan soń bul sharany júzege asyrady.
«Bul Irannyń ıadrolyq qarýǵa qoly jetpeıtinine, osylaısha qaýipsiz bolyp, Irannyń halyqaralyq qoǵamdastyqpen yntymaqtastyqty qalpyna keltirýge kepildik beredi», - degen Ulybrıtanııanyń Syrtqy ister mınıstri Fılıpp Hammondtyń sózin keltirdi agenttik. 2015 jyldyń shildesinde «altylyq» (Reseı, AQSh, Qytaı, Ulybrıtanııa, Frantsııa men Germanııa) jáne Iran ıadrolyq másele boıynsha kelisimge keldi. Kelisim boıynsha Tegeran ıadrolyq qarýdy shyǵarmaýǵa jáne ıadrolyq nysandardy beıbit atom óndirýge ǵana paıdalanýǵa ýáde beredi. Al BUU Qaýipsizdik keńesi, AQSh jáne Eýroodaq osyǵan deıin elge salynǵan ekonomıkalyq jáne qarjylyq sanktsııalardan bas tartady.
20 shildede Iran men «altylyqtyń» kelisimin BUU Qaýipsizdik keńesi qoldady. Qyrkúıekte AQSh prezıdenti Barak Obama ırandyq ıadrolyq baǵdarlama boıynsha kelisimdi quptaý úshin senatorlarǵa qoldaý kórsetetinin aıtty. 14 qazanda Iran konstıtýtsııasy kúzetiniń keńesi Tegeran men «altylyqtyń» ıadrolyq kelisimin júzege asyrýdy bekitetin zań jobasyn ratıfıkatsııalady.
