Irandyq shahmatshy qyzdy hıdjab kııýden bas tartqany úshin quramadan shyǵardy
ASTANA. QazAqparat -Irandyq shahmatshy qyz Dorsa Derakshanı men onyń 15 jasar inisi Borna Gıbraltardaǵy týrnırge qatyspaıtyn boldy, dep habarlaıdy russian.rt.com.
Jasóspirimder arasyndaǵy álem chempıonatynyń jeńimpazyn hıdjabty kııýden bas tartqany úshin sheneýniktermen arada uzaqqa sozylatyn aýyr talqylaýlar kútip tur. Al bozbalany óz kezeginde ızraıldik shahmatshymen aradaǵy match úshin kinálaýda.
«Bárinen buryn biz olardy Iran jalaýy astynda shyǵatyn kez kelgen týrnırden shettetemiz. Endi olarda quramaǵa múshe bolýdyń eshqandaı múmkindigi qalǵan joq»,-degen Iran Shahmat federatsııasy basshysynyń sózin keltiredi Ncr-iran.org saıty.
Qazirgi ýaqytta Dorsa Derakshanıdiń Ispanııada oqyp jatqandyǵy atap ótiledi. Ol Gıbraltardaǵy týrnırge qatysýǵa óz bastamasymen tirkelgen.
