Irandyq áıelder halyqaralyq aýyr atletıka týrnırlerine qatysatyn boldy
ASTANA. QazAqparat - Irandyq áıelderge aýyr atletıkadan halyqaralyq týrnırlerge qatysýǵa ruqsat beriledi. Bul jaıly Iran aýyr atletıka federatsııasynyń prezıdenti Álı Moradı málim etti, dep habarlaıdy Reıter agenttigi .
«Biz Iran Aýyr atletıka federatsııasynyń quramynda Áıelder komıtetin qurdyq, bizdiń talantty qyzdarymyz kóp», - dedi Álı Moradı.
«Olar da erler sııaqty tózimdi. Jaqyn arada musylman sportshylaryna arnalǵan kıimdermen halyqaralyq chempıonattarda óner kórsete alady dep úmittenemin. Bul jaǵymdy jańalyq, erler arasyndaǵy aýyr atletıka joǵary deńgeıde damyǵan, al áıelder arasynda múldem taramaǵan Iran úshin bul asa mańyzdy», - deıdi Halyqaralyq aýyr atletıka federatsııasynyń (IWF) bas dırektory Attıla Adamfı.
Aýyr atletıka federatsııasynda áıelder baǵdarlamasyn ázirleý týraly Saýd Arabııasy Aýyr atletıka federatsııasynyń basshysy da málimdedi.
Eske sala ketsek, áıelder 1983 jylǵa deıin aýyr atletıka týrnırlerine qatysý quqyǵyn ala almaı keldi. IWF erejelerine engizilgen birqatar ózgertýden keıin ǵana áıelder halyqaralyq jarystarda baq synaı bastady. Atap aıtqanda, 1987 jyldan bastap álem chempıonattaryna, 2000 jyldan Olımpıada oıyndaryna qatysyp keledi.
