Irandy 90 jyl boıy qurǵaqshylyq jaılaıdy
ASTANA. QazAqparat - Iran ekologtary, mine, on shaqty jyldyń júzi boldy, elde jaýyn-shashyn az túsetinin aıtyp, uzaq ýaqyt boıy qurǵaqshylyq jaılaıtyny jaıynda dabyl qaǵyp keledi, dep habarlady www.muslim.kz saıty.
Irannyń meteorologııalyq uıymy málimdegendeı, bıyl jaýyn-shashynnyń ortasha deńgeıi ótken jylmen salystyrǵanda 3,7 paıyzǵa kemigen. Bul da eldiń ekologtaryn alańdatyp otyr. Kóp uzamaı segiz mıllıon turǵyny bar Tegeran qalasynda sý tapshylyǵy oryn alýy múmkin.
Irandaǵy aýa temperatýrasyna qatysty júrgizilgen zertteý nátıjesinde belgili bolǵandaı, 90 jyl boıy jaýyn-shashyn ádettegiden az túsip, jerasty sýy tartylady. Ańyzaq ystyq ornaıdy.
