Irandaǵy jer silkinisinen qurban bolǵandar sany 400-den asty

ASTANA. QazAqparat - Irannyń batysyndaǵy Kermanshah provıntsııasynda jer silkinisi kezinde qaıtys bolǵandar sany artyp, 407 adamǵa jetti. Bul týraly búgin jedel járdem qyzmetine silteme jasap Irna agenttigi habarlady. 

Irannyń jedel járdem qyzmetiniń málimetterine qaraǵanda, Kermanshah provıntsııasyndaǵy jer silkinisiniń saldarynan jergilikti ýaqyt boıynsha saǵat 18-30-ǵa deıin 407 adam qaıtys bolǵany anyqtaldy. Al, zardap shekkender 6,7 myńǵa jýyq adamdy qurap otyr.

Aıta keteıik, qýaty 7,3 magnıtýdalyq jer silkinisi jeksenbi kúni Irannyń batysynda boldy.

Eýropalyq-jerorta teńizi seısmologııalyq ortalyǵynyń habarlaýynsha, jer silkinisiniń oshaǵy Kermanshah provıntsııasynyń batysyndaǵy Irannyń Azgle qalasynda jatyr. Zilzalanyń oshaǵynyń tereńdigi 11 km.

Qýatty jer silkinisinen soń, jerasty dúmpýi 150 ret qaıtalanǵan. Olardyń qýaty Rıhter baǵany boıynsha 2,3 baldan 4,6 balǵa deıin jetti. Jerasty dúmpýleri osy óńirdegi Irak, Kýveıt, BAÁ sııaqty elderge de sezilgen. Irakta 8 adam qaıtys bolyp, 400 adam zardap shekken.