Irandaǵy jer silkinisinen 634 adam zardap shekti
Ótken jeksenbide ıran-ırak shekarasy aýdanyndaǵy Sare-Pole-Zahab qalasynyń mańynda magnıtýdasy 6,4 bolǵan jer silkinisi bolǵan, dep habarlaıdy Tegeran ýnıversıtetindegi Geofızıka ınstıtýtynyń seısmologııalyq ortalyǵynan.
Jerasty dúmpýler Kermanshah jáne Ilam provıntsııalarynda, sondaı-aq Baǵdad qalasy jáne Ázerbaıjanda sezilgen. Magnıtýdasy5,2, 4, 4 jáne 4,1 ball bolǵan 4 aftershok Irannyń Kermanshah provıntsııasynda tirkeldi. Seısmolog mamandardyń málimetinshe, jerasty dúmpýler jergilikti ýaqytpen saǵat 20:07-de tirkelip, oshaǵy 7 shaqyrym tereńdikte ornalasqan.
Jer silkinisiniń oshaǵy eldiń batysyndaǵy Kermanshah provıntsııasynyń Sere-Pole-Zohab qalasynan 17 shaqyrym jerde tirkeldi.
Eske sala keteıik, 2017 jyldyń 12 qarashasynda Kermanshah provıntsııasynda magnıtýdasy 7,3 balǵa deıin jetken joıqyn jer silkinisi boldy. Eýropa-Jerorta seısmologııalyq ortalyǵynyń habarlaýynsha, jerasty dúmpýler oshaǵy ırandyq Azgle qalasynda bolǵan, tereńdigi 11 shaqyrymdy quraǵan. Eldiń quqyq qorǵaý organdarynyń málimeti boıynsha, jer silkinisinen kem degende 630 adam kóz jumyp, taǵy 12 myńǵa jýyq adam zardap shekti.
