Irandaǵy jer silkinisinen 50-den astam adam zardap shekti
ASTANA.QazAqparat - Irannyń batysyndaǵy Kermanshah provıntsııasynda magnıtýdasy 5,1 bolǵan jer silkinisinen sardap shekkender sany 51 adamǵa jetti, dep habarlaıdy IRNA agenttigi jergilikti ákimshilik ókiline silteme jasap.
Magnıtýdasy 5,1-ge teń jer silkinisi keshe, senbide kúndiz Irannyń batysyndaǵy Sere-Pole-Zahab qalasynda bolǵan.
Zilzala kindigi 8 km tereńdikte ornalasqan. Jer asty dúmpýleri kórshiles - Gasre-Shırın, Gılan-e-Garb, Dalahý, Islamabad-Abad-Garb qalalarynda sezildi.
Daǵdarys ortalyǵy qyzmetiniń basshysy Reza Mahmýdıannyń agenttikke málimdeýinshe, zilzala saldarynan Kasre-Shırın qalasynda 41 adam, Gılan-e-Gerb qalasynda taǵy toǵyz adam zardap shekken.
