Irandaǵy jer silkinisinen 146 adam zardap shekti
TEGERAN. QazAqparat - Irannyń batysynda 5,9 ball qýatymen bolǵan jer silkinisi saldarynan 146 adam zardap shekti. Bul týraly «Anadolý»agenttigi IRI memlekettik telearnasyna silteme jasap habarlady.
Irannyń Tótenshe jaǵdaılar boıynsha ortalyǵynyń basshysy Pır Hıýseıın Kolıvend zardap shekken 41 adam áli de aýrýhanada jatqanyn málim etti.
Zilzala oshaǵy Kırmanshah provıntsııasynda ornalasty.
Іzdestirý-qutqarý jumystary jalǵasýda.
Iranmen shekarada ornalasqan Iraktyń Erbıl, Sýleımanııa jáne Halabdja qalalarynyń turǵyndary da jerasty dúmpýlerin sezindi.
Eske salaıyq, 22 shilde kúni tańerteń Irannyń ońtústigindegi Hıýrmıýzgan provıntsııasynyń Rýıdar qalasynda 5,7 ball qýatymen jer silkindi.
2017 jyldyń 12 qarashasy kúni Irannyń batysyndaǵy Kermanshah provıntsııasynda 7,3 ball qýatymen jer silkingen edi. Saldarynan 600-den astam adam qaza bolyp, 12 myńy zardap shekti.
Iran seısmıkalyq qaýpi joǵary aımaqta ornalasqan.
